14 июня 2024 13:23
Бергәләп рәсем ясыйбыз!
«Салават күпере» һәм «Сабантуй» журналлары каршында эшләп килүче «Ихлас» мультимедиа үзәге татар телендә өстәмә белем бирү дәресләрен онлайн форматта алып баруны дәвам итә. Бу – 3–7 яшьлек балалар өчен «Тәмле тел» һәм «Тылсымлы рәсем», 7–14 яшьлек балалар өчен «Каләмдәш» һәм «Мин журналист булам» дәресләре.
Биектау районы «Ямаширмә «Йолдыз» балалар бакчасы»ның уртанчылар катнаш төркеме «Тылсымлы рәсем» онлайн-дәресендә актив катнашалар. Дәрес вакытында бергәләп ясаган «Җәй» панносы рәсемен безгә дә җибәргәннәр. Афәрин, балалар!