Рәхмәт һәркем өчен рәхәт.

Хикмәтле сүз

Бер сүзне күп сөйләсәм,

Аны тәмам «иләсәм»,

Тирги мине һәммәсе:

Туйдырамын, янәсе.

Ә мин шундый сүз беләм, —

Ул сүздән туймый һичкем.

Тиргәмиләр, сүкмиләр, —

Сөйләп торсаң да өч көн.

Кыен түгел әйтергә,

Бик ансат, рәхәт үзе.

Сезгә дә өйрәтәм аны:

Ул була «рәхмәт» сүзе.

Фәнис Яруллин

Рәхмәт һәркем өчен рәхәт.

Мин кибеттән Хафиз бабайга икмәк алып кайттым. Ул миңа рәхмәт әйтте. Мин дә аңа рәхмәт әйттем.

-Икмәк алып кайтучы син үзең ич, нигә миңа рәхмәт әйтәсең?- диде Хафиз бабай.

-Рәхмәткә каршы рәхмәт тагы да рәхәт, - дип җавап бирдем мин.

-Хак әйтәсең: рәхмәт һәркем өчен рәхмәт, - диде Хафиз бабай.

Идрис Туктар