Алабугадан Тимербулат Мирзаянов яза

Минем сеңлем – Әминә!

   Минем сеңлем – Әминә. Аңа 5 яшь. Ул Алабуга шәһәренең 31 нче «Энҗекәй» балалар бакчасына йөри.

   Без аның белән бергә төрле уеннар уйныйбыз, рәсем һәм аппликация ясыйбыз. Сеңлем бигрәк тә рәсем ясарга ярата.

   Кызлар – кызлар инде ул! Әминә дә матур киенергә ярата. Күлмәгендә бер тап булса да – алыштырырга кирәк!

  Әминә шулай ук бик тырыш кыз. Аның минем шикелле 1 нче гимназияга укырга барасы килә. Сеңлем мәктәпкә барырга әзер инде! Бар хәрефләрне укый һәм яза белә. Инглиз телен дә өйрәнә. Тагын ул мәдрәсәгә йөри. Анда алар Коръән ятлыйлар, гәрәпчә укырга, язарга өйрәнәләр.

   Мин сеңлем белән горурланам!

Тимербулат Мирзаянов, Алабуга, 1 нче гимназия, 7нче сыйныф, «Балалар иҗат үзәге».